Што слухаць і гатаваць, калі вы #засталіся_дома, раяць Кузін, Цэслер і Рагавой
Нягледзячы на адсутнасць каранціну ці якіх іншых абмежавальных мер, шмат беларусаў самастойна #засталіся_дома. Найперш гэта тыя, хто можа працаваць дыстанцыйна. І таму ім хапае чым заняць сябе ў самаізаляцыі. Але, нягледзячы на гэта, тыя, хто прыняў рашэнне не выходзіць з дома, сутыкнуліся з праблемай — чым заняць сябе ў вольны час?
#засталіся_дома — праграма Еўрарадыё, у якой мы гаворым з бізнесменамі і палітыкамі, артыстамі і экспертамі пра жыццё і працу ў новых абставінах. Пра тое, як у самаізаляцыі не з’ехаць з глузду, не згубіць сувязь з рэчаіснасцю і не абмяжоўваць свае інтарэсы канапай і лядоўняй.
Вядзе праграму рэдактар Еўрарадыё Зміцер Лукашук. Пра тое, чым яны займаюцца на каранціне, у жывым эфіры Еўрарадыё расказваюць дызайнер Уладзімір Цэслер, радыёвядучы шоу “Камтугеза”, генеральны прадзюсар UMMG (Украінскі музычны медыяхолдынг), сябра савета дырэктараў радыёхолдынга «ТАВР медіа», музыкант Сяргей Кузін і вядучы кулінарнага шоу Цімафей Рагавой.
