Станіслаў Драгун забіў гол-прыгажун у браму "Лакаматыва" (відэа)
Аднак у выніку самарскія "Крылы Саветаў", за якія выступае беларускі легіянер, прайгралі — 1:2
Матч 20-га тура расійскай Прэм'ер-лігі прайшоў у панядзелак, 10 сакавіка, у Маскве. Гаспадары поля вызначыліся на 18-й і 77-й хвілінах, Драгун забіў гол на 87-й. У яго атрымаўся эфектны ўдар з-за межаў штрафной пляцоўкі ў левую "дзявятку".
Нагадаем, у "Крылы Саветаў" Станіслаў Драгун перайшоў з мінскага "Дынама". Ён з'яўляецца гульцом нацыянальнай футбольнай зборнай Беларусі.