Старшыня "Белнафтахіму" расказаў, што будзе сёлета з цэнамі на бензін

"Белнафтахім" лічыць аптымальнай абраную стратэгію паэтапнага павышэння коштаў на паліва. Пра гэта старшыня канцэрна Андрэй Рыбакоў расказаў у інтэрв'ю парталу "Нафтахімія". 

Рыбакоў падкрэсліў, што на сусветным рынку цэны на нафту растуць. Некаторыя эксперты мяркуюць, што цана можа перавысіць 80 долараў за барэль.

"Нагадаю, што для беларускіх НПЗ цана на нафту расце яшчэ і за кошт падатковага манеўру, і ў 2020 годзе яна ўжо будзе складаць (з улікам выплачваюцца пошлін на нафтапрадукты) каля 83% ад сусветнай", — нагадаў старшыня "Белнафтахіму" дадатковыя фактары. 

Апошнія гады канцэрн павышае кошты на паліва па 1 капейцы за раз, але такія павышэнні адбываюцца па некалькі тыдняў запар. Напрыклад, летась кошты на паліва пераглядаліся 28 разоў, у 2018 годзе — 27 разоў. Як правіла, кошты павышаліся. Сёлета апошняе падаражанне бензіну адбылося 25 студзеня — чацвёрты раз ад пачатку года.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.