"Стартапніца": чаму "нафтавыя грошы" не льюцца ў азербайджанскія стартапы
Азербайджан — заможная краіна з перадавымі тэхналогіямі ў галіне нафтаздабычы. Здавалася б, "нафтавыя грошы" мусяць перацякаць у тым ліку і ў стартапы. Але гучных экзітаў у Азербайджане яшчэ не было. Ды і венчурныя інвестыцыі ў гэтай краіне — штука нячастая.
Чаму так? У асаблівасцях азербайджанскай стартап-экасістэмы мы разбіраемся з Мікітам Юдзіным, адным з кіраўнікоў Startup Grind Baku. Мікіта распавядае пра топавыя азербайджанскія праекты. Адзін з якіх — фінтэх-стартап umico — мае, дарэчы, беларускія карані.
