Страты ад віруса Эбола могуць да 2016 года скласці 33 мільярды долараў
Гэта здарыцца, калі захворванне распаўсюдзіцца за межы трох краін - Гвінеі, Ліберыі і С’ера-Леонэ.
З такой ацэнкай наступстваў захворвання выступіў Сусветны банк. Эпідэмія смяротнага віруса на захадзе Афрыкі ўжо забрала больш за 3 тысячы жыццяў. Па дадзеных ЮНІСЕФ, памерлі таксама 500 дзяцей ва ўзросце да 15 гадоў.
З’яўляецца ўсё больш паведамленняў пра распаўсюджванне віруса ў Еўропе і ЗША.
