Студэнты Лінгвістычнага ўніверсітэта пагражаюць кіраўніцтву страйкам

Студэнты Мінскага дзяржаўнага лінгвістычнага ўніверсітэта 3 верасня збіралі ў фае подпісы пад петыцыяй да рэктаркі Наталлі Баранавай, паведамляе Радыё "Свабода". 

У сваёй петыцыі студэнты і супрацоўнікі МДЛУ патрабуюць, каб рэктарка выступіла "з адназначнай заявай" у падтрымку шэрагу патрабаванняў да ўладаў. 

Спіс патрабаванняў:

— адстаўка Аляксандра Лукашэнкі;

— спыненне гвалту і пакаранне вінаватых у катаваннях;

— неадкладнае вызваленне ўсіх палітвязняў;

— адстаўка Цэнтрвыбаркама;

— правядзенне паўторных выбараў.

Калі гэтыя патрабаванні не будуць выкананыя, студэнты пагражаюць пачаць страйк.

Да студэнтаў выйшаў прарэктар Уладзімір Пашкевіч. Студэнты запатрабавалі ад яго даць тлумачэнні наконт учорашніх затрыманняў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.