Супрацоўніца банка загінула на карпаратыве ў Полацкім раёне
48-гадовая жанчына разам з калегамі адпачывала на беразе возера.
Каля 1-й гадзіне ночы яна заснула пад дрэвам і літаральна скацілася па схіле ды трапіла ў вогнішча. У выніку атрыманых апёкаў жанчына памерла.
Як паведамляе газета "Звязда", жанчына была ў нецвярозым стане. Калі адбыўся няшчасны выпадак, яе калегі купаліся, таму не змаглі ёй аказаць дапамогу.
Праверку праводзіць Полацкі міжраённы аддзел Следчага камітэта.
Фота — bymedia.net
