Супрацоўніка следчага падраздзялення падазраюць у гандлі наркотыкамі
Жыхар Полацка затрыманы. Здарылася гэта ў момант "закладкі" псіхатропных рэчываў.
Правапарушальнікам аказаўся супрацоўнік аднаго са следчых падраздзяленняў Віцебскай вобласці. Як паведамляе БЕЛТА, спайсы і "маркі" былі знойдзеныя і па месцы жыхарства праваахоўніка. Іх, а таксама аргтэхніку, адправілі на экспертызу. Старшынёй Следчага камітэта па гэтым факце распачатая крымінальная справа па артыкуле "незаконны абарот наркатычных сродкаў, псіхатропных рэчываў, іх прэкурсораў і аналагаў".
Расследаванне даручанае Галоўнаму следчаму ўпраўленню.
Фота — Fotolia
