Сёння святкуецца Дзень беларускай вайсковай славы
8 верасня ў нашай краіне традыцыйна адзначаецца Дзень беларускай вайсковай славы. Дата гэтая, аднак, святкуецца неафіцыйна.
Нагодай для свята стала Аршанская бітва, якая адбылася ў 1514 годзе. Тады войска Вялікага Княства Літоўскага, якое складалася пераважна з беларускіх ваяроў, спыніла наступ маскоўскага войска. У бітве пад Оршай 80-тысячнае войска маскавітаў было разбітае 30-тысячным войскам ВКЛ.
На думку некаторых гісторыкаў, перамога пад Оршай стала адной з умоваў так званага "залатога веку" ў гісторыі ВКЛ, калі актыўна развіваліся навукі і мастацтва.