Талаковы эфір: як сабраць 30 000 рублёў на “Народную Волю” для бібліятэк

Не ўсе жыхары Беларусі маюць сродкі, каб выпісаць газету. Асабліва гэта тычыцца рэгіёнаў. А выпісаць газету кожнаму чытачу непасрэдна ў хату немажліва.

Рэдакцыя “Народнай Волі” знайшла элегантнае выйсце: падпісаць на сваю газету ўсе сельскія, раённыя і абласныя бібліятэкі. А іх у Беларусі каля 600. Па прыкладных падліках, на акцыю спатрэбіцца не менш за 30 тысяч рублёў.

Каб сабраць гэтыя грошы, “Народная воля” абвясціла краўдфандынг на сайце “Талака”. Як будуць размеркаваныя сабраныя грошы і ці могуць бібліятэкі адмовіцца ад гэтай “прымусовай падпіскі”? Пра гэта ў жывым эфіры Еўрарадыё распавядае галоўны рэдактар “Народнай волі” Іосіф Сярэдзіч.

Слухаць ці запампаваць падкаст праграмы ніжэй.