Топ-5 навін: 13 лютага
Галоўны рэдактар незалежнай газеты "Народная воля" сустрэўся з кіраўніком краіны
Пра сустрэчу з Лукашэнкам Іосіф Сярэдзіч дамовіўся дзесяць дзён таму, падчас "Вялікай размовы з прэзідэнтам". Сустрэча праходзіла з вока на вока. Сярэдзіч абмеркаваў з Лукашэнкам працу беларускіх незалежных медыя. Таксама Аляксандр Лукашэнка сказаў, што Беларусь і Расія вырашылі газавае пытанне. "Я даведаўся, што перамовы ў Маскве з Сямашкам у перспектыве для нашай краіны вельмі станоўчыя. [Лукашэнка сказаў], што мы будзем мець штогод $3 млрд. Мяне ўразіла гэтая лічба".
Па словах Іосіфа Сярэдзіча, эканамічнае становішча Беларусі было галоўнай тэмай размовы.
Магчымасцю наведаць нашу краіну без візы скарысталіся ўжо больш за 200 чалавек.
Сярод іх найбольш грамадзян Нямеччыны — 43 чалавекі. Другое месца займаюць госці з Італіі — 32. Па 16 чалавек прыехалі з Вялікабрытаніі і Нідэрландаў, 14 турыстаў прыбылі з Польшчы.
Дарэчы, першую бязвізавую турыстку 12 лютага ў аэрапорце сустракалі з кветкамі.
У Мінскім гарадскім судзе пачаўся разгляд справы вучня, якога вінавацяць у нападзе на настаўніцу. Працэс праходзіць у закрытым рэжыме.
У нападзе на настаўніцу рускай мовы сталічнай гімназіі №74 вінавацяць 16-гадовага школьніка. Здарэнне адбылася ў траўні мінулага года. Паводле версіі следчых, дзевяцікласнік нанёс педагогу 15 удараў нажом. Пры гэтым хлопец цалкам усведамляў свае дзеянні. Школьніка вінавацяць у "замаху на забойства, учыненае з асаблівай жорсткасцю". Хлопцу пагражае да 12 гадоў пазбаўлення волі. Маці гімназіста дала першае інтэрв'ю. Яна распавяла, што ў розных вучняў былі канфлікты з пацярпелай настаўніцай.
10 лютага вядомы ўкраінскі літаратар Сяргей Жадан быў затрыманы міліцыяй у Мінску. Праваахоўнікі прыйшлі да яго ноччу ў гатэльны нумар і паведамілі, што Жадану забаронены ўезд у Расію і, аўтаматычна, у Беларусь. Украінскі пісьменнік ноч правёў у пастарунку, пры гэтым у яго пашпарт паставілі пячатку, згодна з якой, Сяргей Жадан павінен быў пакінуць нашу краіну. За дзень разгарэўся самы сапраўдны міжнародны скандал Ї украінцы нават прыбралі свой стэнд з міжнароднай кніжнай выставы. Аднак ужо вечарам суботы рашэнне аб дэпартацыі было адмененае пры удзеле МЗС.
Пры гэтым, дазволіўшы Жадану знаходзіцца ў Беларусі, мы не парушылі пагаднення з расіянамі. Яно прадугледжвае, што беларускія ўлады ў асобных выпадках могуць дазволіць чалавеку з расійскага "чорнага спіса" уязджаць і знаходзіцца на тэрыторыі Беларусі.
Святлана Алексіевіч заплаціла 197 тысяч еўра падатку. Як вядома, прэмія складала больш за 950 тысяч долараў. Раней меркавалася, што беларускую пісьменніцу вызваляць ад неабходнасці плаціць падаходны падатак у 13%.
