У аўторак у Беларусі чакаюцца кароткачасовыя дажджы і парывісты вецер

16 жніўня ў Беларусі чакаецца воблачнае з праясненнямі надвор'е. Пра гэта агенцтву БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Уначы месцамі, а днём на большай тэрыторыі краіны пройдуць кароткачасовыя дажджы, у асобных раёнах прагназуюцца навальніцы. Паводле сіноптыкаў, вецер будзе заходні, паўднёва-заходні 4-9 метраў за секунду. Удзень магчымыя парывы ​​да 14 метраў за секунду.

Уначы тэмпература паветра складзе +7...+13 градусаў. Удзень будзе 14-19 цяпла, па поўдні — да 22 градусаў са знакам "плюс".

У сталіцы ўдзень чакаецца +14...+16, дождж.

Сіноптыкі прагназуюць, што цяпло вернецца ў Беларусь у пятніцу. Удзень тэмпература падымееца да 20-27 градусаў вышэй за нуль, па поўдні чакаецца да +29.