У Барысаве знайшлі муміфікаваны труп жанчыны
У Барысаве знайшлі муміфікаваны труп жанчыны. Аператыўнікі натрапілі на яго ў прыватным доме, калі праводзілі праверку па факце суіцыду 40-гадовай жанчыны.
Як паведамляе БЕЛТА, падчас агляду месца здарэння пад падлогай знайшлі труп, мяркуецца, маці жанчыны, якая павесілася. Паводле папярэдніх звестак, яна памерла каля года таму. Аднак слядоў крымінальнага характару не знайшлі. Асобу жанчыны, прычыну смерці высветляць падчас прызначаных даследаванняў.
