У Беларусі расказалі пра самы вялікі хабар 2013-га (відэа)
30 студзеня ў Мінску правёў прэс-канферэнцыю намеснік генпракурора Аляксей Стук.
Між іншым, ён згадаў пра самы вялікі хабар мінулага года. Паводле слоў Стука, гэта 250 тысяч еўра. Гэтыя грошы фігуравалі ў справе былога першага намесніка старшыні Мінгарвыканкама Ігара Васільева, інфармуе БелаПАН. Нагадаем, ён быў асуджаны за атрыманне хабару ў асабліва буйным памеры на 14 гадоў пазбаўлення волі ва ўмовах узмоцненага рэжыму.
