У Беларусі выявілі ўжо 81 выпадак каранавіруса
81 выпадак заражэння каранавірусам зарэгістраваны ў Беларусі, паведамляе Міністэрства аховы здароўя ў сваім Telegram-канале. 59 пацыентаў з гэтай колькасці знаходзяца пад медыцынскім кантролем і на лячэнні. 22 чалавекі ўжо выпісаныя або рыхтуюцца да выпіскі: тэсты на каранавірус у іх далі адмоўныя вынікі.
Таксама прэс-служба Мінздароўя паведамляе, што на сёння ў краіне праведзена больш за 21 тысячу тэстаў на COVID-19. Тэставанне праводзіцца з 23 студзеня.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
