У Брэсце ў расіяніна з цягніка “Масква — Парыж” мытнікі забралі 14 тысяч еўра

У Брэсце ў расіяніна з цягніка “Масква — Парыж” мытнікі забралі больш за 14 тысяч еўра. Здарэнне адбылося ў рэспубліканскім пункце мытнага афармлення “Брэст-Цэнтральны”. Мужчына заяўляў, што ў яго няма грашовых сродкаў, якія падлягаюць дэклараванню. Беларусы праверылі і грошы знайшлі — больш за 23 тысячы еўра. 8,9 тысячы еўра, якія не падлягалі дэклараванню, расіяніну пакінулі, астатнюю суму забралі да рашэння суда, інфармуе прэс-служба Брэсцкай мытні.