У Дагестане зноў разагналі акцыі супраць мабілізацыі ў расійскую армію
Акцыя пратэсту ў Махачкале ў нядзелю / chernovik.net
У Дагестане зноў разагналі акцыі супраць мабілізацыі ў расійскую армію. 26 верасня яны прайшлі ў Махачкале і Хасавюрце. У іх удзельнічалі сотні людзей.
У Махачкале адбыліся сутычкі пратэстоўцаў з сілавікамі. Як піша kavkaz-uzel.eu, адбыліся "масавыя бойкі", ёсць затрыманыя (не менш за 20 чалавек, у тым ліку і журналісты). У нядзелю ў сталіцы Дагестана таксама прайшлі пратэсты, адбыліся сутычкі. Паліцыя і Расгвардыя затрымалі каля сотні чалавек.
У Хасавюрце ў панядзелак сілавікі жорстка разагналі людзей.
