У Хабараўску затрымалі партыю марожаных куранятаў з Беларусі
Амаль 20 тон тушак перавозілі з парушэннем тэмпературнага рэжыму.
Спецыялісты Рассельгаснагляду ў Хабараўску затрымалі партыю куранятаў-бройлераў з Беларусі. Як піша "Комсомольская правда", груз вагой 19,5 тон перавозілі з парушэннем тэмпературнага рэжыму.
Па словах спецыялістаў, тэмпература ў целе птушкі склала -7,3 градуса. Між тым, паводле нормы яна не павінна быць вышэйшай за -8 градусов.
Куранятаў перадалі на ізаляванае захоўванне. Спецыялісты Рассельгаснагляду ўзялі пробы для лабараторных даследаванняў.
Ілюстрацыйнае фота — abugaisky.livejournal.com
