У Лунінцы часткова абрынуўся будынак, загінуў чалавек (відэа)

На тэрыторыі будаўніцтва цеплаэлектрацэнтралі ў горадзе часткова абрынуліся канструкцыі будынка. Вось што паведаміў Еўрарадыё памочнік міністра па надзвычайных сітуацыях Віталь Навіцкі:

"Загінуў адзін чалавек, адзін шпіталізаваны з траўмамі рознай ступені цяжкасці. Абставіны здарэння высвятляюцца. На месцы працуюць прадстаўнікі Следчага камітэта".

Адзначым, што будаўнічыя працы ў будынку яшчэ не былі скончаныя.

Як адзначае сайт media-polesye.by, у будынку нешта выбухнула. Прычым выбух быў вельмі гучным, яго чулі ў розных раёнах Лунінца.

Здымак з архіву. Фота — ria.ru