У мінскім ГЦ "Дана Мол" упаў ліфт з падлеткамі, ёсць пацярпелыя
Падлеткі на сустрэчы з Міланай Хаметавай у Мінску
У мінскім ГЦ "Дана Мол" з вышыні другога паверха ўпаў перагружаны ліфт з людзьмі. У кабіне было каля 20 чалавек — падлеткі, якія прыйшлі на сустрэчу з ціктакеркай Міланай Хаметавай.
На здарэнне выехалі адна рэанімацыйная і чатыры лінейныя брыгады хуткай медычнай дапамогі, паведамляюць у Міністэрстве аховы здароўя. Людзі, якія знаходзіліся ў кабіне, аглядаюцца медыкамі. Тым, каму гэта неабходна, аказваецца дапамога.
Мілана Хаметава — 12-гадовая цікток-блогерка, спявачка і мадэль, выканаўца нядаўняга падлеткавага хіта "ЛП (Атпуці не пуцю"). Школьнікі, якія прыйшлі на сустрэчу з ёю, шчыльна запоўнілі цэнтральны хол і ўсе тры паверхі гандлёвага цэнтра.
