У Мінску затрымалі хуліганаў, якія разграмілі некалькі прыпынкаў

Міліцыянты пачалі крымінальную справу за злоснае хуліганства на траіх маладых людзей. Юнакі разграмілі на днях некалькі прыпынкаў грамадскага транспарту ў Мінску. Як паведамляе БелаПАН, маладыя людзі нападпітку разграмілі прыпынак насупраць Белдзяржцырка на праспекце Незалежнасці, а другі — насупраць 2-й гарадской лякарні. Таксама яны пабілі шыбы ў некалькіх будынках на вуліцы Багдановіча.

Матэрыяльная шкода, прычыненыя камунальнікам, склала 500 тысяч рублёў. Зламыснікам пагражае да шасці гадоў пазбаўлення волі.