У пенсіянеркі знайшлі больш за 100 кг марыхуаны (фота)
Спачатку міліцыянеры затрымалі 26-гадовага жыхара сталіцы па падазрэнні ў распаўсюдзе наркотыкаў.
У маладога чалавека забралі каля 400 грам высушанай марыхуаны. Пазней у мікраране Малінаўка быў затрыманы і пастаўшчык наркотыкаў — 53-гадовы беспрацоўны жыхар горада Чачэрск Гомельскай вобласці. Ён прывёз у сталіцу чарговую партыю для збыту, у салоне аўтамабіля "БМВ" знайшлі 380 грам марыхуаны.
Уначы падчас ператрусу на падворку яго маці ў адной з вёсак Чачэрскага раёна было знойдзена больш за 100 кг аналагічнага наркотыка. Распачатая крымінальная справа, інфармуе прэс-служба мінскай міліцыі.
Фота — guvd.gov.by
