У РФ пачалі затрымліваць за аватарку з бел-чырвона-белым сцягам
Дзмітрый Махаў / t.me/sotaproject/
У РФ пачалі затрымліваць за аватарку ў сацсетцы з бел-чырвона-белым сцягам. Як піша SOTA, у Сыктыўкары сілавікі схапілі сузаснавальніка творчага аб'яднання ÖВВÖ, былога кіраўніка "Гарадскіх праектаў у Комі" Дзмітрыя Махава. Супраць яго складаюць пратакол за "дэманстрацыю экстрэмісцкай сімволікі". Ёй палічылі БЧБ-сцяг. Суд пройдзе ў сераду.
За некалькі тыдняў да затрымання Дзмітрыя Махава яму тэлефанавалі супрацоўнікі Цэнтра "Э", якія запрашалі яго "пагаварыць".
У 2023-м у Расіі судзілі студэнта-беларуса за бел-чырвона-белы сцяг на вокладцы студэнцкага білета. Яго арыштавалі на 5 сутак і аштрафавалі.
