У Смалявіцкім раёне за павышэнне цэн затрымалі 63-гадовую жанчыну
Крымінальная справа / Sputnik
У Смалявіцкім раёне за павышэнне цэн затрымалі дырэктарку ЧТУП, паведамляе прэс-служба Генпракуратуры.
Паведамляецца, што з 6 па 12 кастрычніка 63-гадовая жанчына павысіла цэны на 89 найменняў прадуктаў харчавання і прамысловых тавараў, якія паступілі для продажу ў дзвюх гандлёвых кропках.
Гэтым яна, як адзначаюць у пракуратуры, парушыла патрабаванні дырэктывы ад 6 кастрычніка 2022 года №10 "Аб недапушчальнасці росту цэн".
Цэны ў Беларусі замарожаныя па патрабаванні Аляксандра Лукашэнкі з 6 кастрычніка. Па ўсёй Беларусі ідуць праверкі: на тых, хто павышае цэны, пачынаюць крымінальныя справы. Учора з'явілася пастанова ўрада па новай сістэме рэгулявання цэн.
