У Светлагорску гарэў інтэрнат, эвакуявалі 80 чалавек (фота)
У Светлагорску каля 21-й гадзіны ў панядзелак, 2 лістапада, здарыўся пажар у адным з пакояў інтэрната цэлюлозна-кардоннага камбіната. Ратавальнікі, якія прыехалі праз чатыры хвіліны, высветлілі, што на другім паверсе гарыць канапа, а ў памяшканнях паверху назіралася задымленне. З будынка эвакуявалі 80 чалавек, сярод іх 15 дзяцей, інфармуе прэс-служба МНС.
Пацярпелых не было. Агонь пашкодзіў пакой, дзе пачалося ўзгаранне. Яго прычына пакуль невядомая.
Фота: МНС
