У Светлагорску школьніцы збілі былую сяброўку і трапілі пад артыкул
Следства прыйшло да высновы, што тыя, хто нападаў, проста хацелі самасцвярдзіцца / mir.pravo.by, фота носіць ілюстрацыйны характар
Год "хатняй хіміі" атрымала 14-гадовая школьніца са Светлагорска за ўдзел у збіцці 15-гадовай дзяўчынкі з іншай школы. Усяго ў поле зроку праваахоўнікаў трапілі тры дзяўчынкі-падлетка. Другую пакаралі абмежаваннем свабоды вольнага часу на тэрмін шэсць месяцаў, распавялі ў Следчым камітэце. Іх судзілі па артыкуле "Злоснае хуліганства".
Трэцяя — ініцыятар бойкі, 13-гадовая школьніца — пазбегла крымінальнага пакарання праз свой узрост.
Гісторыя пачалася 10 красавіка 2021 года. У гэты дзень у Светлагорску выпадкова сустрэліся дзве кампаніі падлеткаў. Малодшая школьніца ўбачыла ў іншай групе даўнюю знаёмую, пачала высвятляць з ёй адносіны, пасля чаго паваліла на зямлю і некалькі разоў ўдарыла нагамі. Да яе далучылася і 14-гадовая сяброўка, таксама стала наносіць удары нагамі. Тое, што адбываецца зняў на тэлефон адзін з відавочцаў канфлікту.
Бакі дамовіліся сустрэцца яшчэ раз і канчаткова высветліць адносіны. На наступны дзень пацярпелую дзяўчынку зноў збілі. На гэты раз збівалі утрох. Спыніць падлеткаў спрабаваў малодшы школьнік, але яго адштурхнулі.
Пра здарэнне стала вядома, дзякуючы відэа, якое здымалі іншыя падлеткі. Частка з іх не ўмешвалася ў канфлікт. Яны проста здымалі тое, што адбываецца, на тэлефон і смяяліся. Выкладзеныя ў сетку кадры ўбачыў педработнік і звярнуўся ў міліцыю.
Следчыя прыйшлі да высновы, што прычынай канфлікту была жаданне "самасцвярдзіцца на фоне замкнёнай і ціхай школьніцы, паказаць сваю значнасць і ўзвысіцца перад бліжэйшым асяроддзем".
