У верасні ў Беларусі адкрываецца сезон палявання — забіваць дазволена амаль усіх
Бабёр / Ілюстрацыйнае фота
З 1 верасня ў Беларусі адкрываецца сезон палявання на бабра і выдру, з 4 верасня — на рабчыка і шэрую курапатку, з 18 верасня — на гусей, дае расклад Беларускае таварыства паляўнічых і рыбаловаў.
У верасні таксама дазволена паляванне на дзіка, ваўка, лісіцу, шакала, шэрую варону, сароку, янотападобнага сабаку, баклана, шэрую і белую вялікую чапляў, вадаплаўную і балотную дзічыну, вальдшнэпа, вехіра, шызага голуба, перапёлку, фазана.
Акрамя таго, да 30 верасня ў краіне прадоўжыцца сезон палявання на самца казулі, лася і аленя.
