У Віцебску затрымалі таксіста-наркамана, у яго кватэры раслі кусты канопляў
Міліцыя даведалася, што віцяблянін, які займаецца пасажырскімі перавозкамі па тэрыторыі Беларусі і Расіі, датычны да незаконнага абароту марыхуаны.
Праводзячы праверку, аператыўнікі ва ўзаемадзеянні з супрацоўнікамі ДАІ на ўездзе ў Віцебск затрымалі "Мэрсэдэс Спрынтар". Падчас медыцынскага агляду было ўстаноўлена, што кіроўца знаходзіцца ў стане наркатычнага ап'янення.
Пры аглядзе месца жыхарства кіроўцы-наркамана былі знойдзены і канфіскаваны тры куста канопляў, якія ён вырошчваў на падаконніку, а таксама самаробнае курыльнае прыстасаванне. Мужчына растлумачыў, што вырошчваў каноплі для асабістага спажывання, распаўсюджваннем наркотыку не займаўся. Праводзіцца праверка, інфармуе БЕЛТА.
Фота — Fotolia
