У Вільні прайшлі акцыі памяці загінулых у "Ноч расстраляных паэтаў"
Падчас акцыі ў Вільні / svaboda.org
У Вільні беларусы правялі акцыі памяці загінулых у "Ноч расстраляных паэтаў". Каля Музея акупацыі і барацьбы за свабоду чыталі вершы ахвяр сталінскіх рэпрэсій, а на Ратушнай плошчы запалілі ў іх памяць 132 свечкі, паведамляе Радыё Свабода.
У ноч з 29 на 30 кастрычніка 1937 года сталінскія карнікі расстралялі больш за сотню беларускіх інтэлігентаў, дзяржаўных, культурных дзеячаў і навукоўцаў. На сённяшні дзень вядомыя імёны 132 чалавек.
Беларусы правялі акцыі памяці ў розных краінах свету.
svaboda.org
