Выдаткі на жыллёва-камунальную гаспадарку ўдалося знізіць на 600 млрд
У Беларусі выдаткі на жыллёва-камунальную гаспадарку ўдалося знізіць на 600 мільярдаў рублёў. Гэта лічба толькі за першыя тры месяцы бягучага года, адзначаюць у Камітэце дзяржаўнага кантролю. Дасягнуць такіх вынікаў удалося дзякуючы жорсткаму нарміраванню амаль усіх складальнікаў сабекошту (гэта і аптымальная колькасць персанала, і зніжэнне накладных выдаткаў). Таксама ўдалося мінімізаваць страты паліўна-энергетычных рэсурсаў.
Вось што распавёў пра планы на 2016 год у эфіры тэлеканала "Беларусь 1" намеснік начальніка ўпраўлення кантроля будаўніцтва, ЖКГ і сувязі Камітэта дзяржкантроля Аляксандр Якімаў:
"Камітэтам дзяржаўнага кантроля выпрацаваныя канкрэтныя прапановы па зніжэнню затрат на жыллёва-камунальныя паслугі, якія аказваюцца насельніцтву, на суму 2,2 трыльёна рублёў. Асноўная задача — гэта павышэнне ўзроўня акупальнасці жыллёва-камунальных паслуг плацяжамі насельніцтва без павелічэння дзейных тарыфаў".
Такім чынам, праца над зніжэннем выдаткаў на паслугі ЖКГ плануецца і ў далейшым. Кантралёры абяцаюць, што будуць сачыць за сітуацыяй ва ўсіх рэгіёнах Беларусі.
