З 1 студзеня ў Беларусі падаражаюць жыллёва-камунальныя паслугі

З 1 студзеня 2016 года ў Беларусі падаражаюць жыллёва-камунальныя паслугі. Пра гэта 24 снежня паведаміў намеснік прэм'ер-міністра Анатоль Калінін. Паводле яго слоў, гэтае павелічэнне "захаваецца на працягу года".

Аднак, як інфармуе БЕЛТА, перайсці да 100-працэнтнай аплаты паслуг ЖКГ плануецца ўжо ў 2017 годзе.

Згодна з указам № 550, павелічэнне тарыфаў на жыллёва-камунальныя паслугі за год не можа перавысіць 5 долараў. Разлік бярэцца на сям'ю з трох чалавек, якая жыве ў тыпавой двухпакаёвай кватэры пры нарматыўным спажыванні рэсурсаў.

Фота: sb.by, БЕЛТА