З Расіі ў Беларусь дэпартавалі "злодзея ў законе" па мянушцы "Лебедзь"
Беларус Руслан Лебедзеў адбыў пакаранне ў Расіі і быў прызнаны непажаданай асобай на яе тэрыторыі.
Дэпартацыя адбылася ў панядзелак, 12 жніўня. Яе забяспечылі супрацоўнікі Галоўнага ўпраўлення МУС Расіі па Цэнтральнай федэральнай акрузе, інфармуе "Интерфакс-Запад".
Нагадаем, "Лебедзя" затрымалі ў Маскве ў лютым 2013 года з наркотыкамі (4 грамы гашыша) і падробленым расійскім пашпартам з яго фотаздымкам. "Злодзея ў законе" асудзілі на 6 месяцаў зняволення, якое ён адбыў і апынуўся на радзіме.