За чэрвень з мінскіх пляжаў вывезлі 3200 кантэйнераў смецця
Агулам са сталічных пляжаў на сметніцы за чэрвень вывезлі каля 2,4 тыс. кубаметраў цвёрдых бытавых адкідаў.
Пра гэта агенцтву "Мінск-Навіны" распавёў начальнік службы па ўтрыманні гарадскіх лясоў, пляжаў і МКАД УП "Мінская лесапаркавая гаспадарка" Аляксандр Прамінскі.
Ён паведаміў, што летам чысціню 25 мінскіх пляжаў, размешчаных на 6 вадасховішчах, як у гарадской рысе, так і за горадам, забяспечваюць 50 прыбіральшчыкаў. 38 з іх — сезонныя рабочыя, нанятыя на лета. Яны пачынаюць працу а 6-й гадзіне раніцы. Уборка на пляжах, размешчаных у гарадской рысе, вядзецца да 22-й, на загарадных — да 21-й.
Фота — minsknews.by
