За два гады Беларусь прадала донарскай крыві амаль $2 млн

На продажы донарскай крыві і плазмы Беларусь за два апошнія гады зарабіла амаль $2 млн. У 2020 годзе — $686 тысяч, у 2019 — $1,3 млн. Літаральна ў мінулую пятніцу на Беларускай універсальнай таварнай біржы адно з дзяржаўных прадпрыемстваў прадало 224 кг плазмы крыві за $68 тысяч, паведамляе "Онлайнер".

Пры гэтым улады Беларусі апошнім часам пачалі казаць, што за донарства не трэба плаціць. І нават распрацоўваюць праект закона, які паступова перавядзе донарства ў Беларусі на бязвыплатнае, донарам абяцаюць толькі нейкія "сацыяльныя ільготы".