Жыхар Гомеля пабіў рэкорд Лукашэнкі — злавіў гіганцкага сома (фота)
Васіль Некрашэвіч быў на рыбалцы на Сожы каля вёскі Бабовічы.
Ён не спадзяваўся злавіць такога вялізнага сома, які заважыў аж 62 кг, яго даўжыня 185 сантыметраў! Каб выцягнуць на бераг сома, Некрашэвіч змагаўся з ім аж паўгадзіны, паведамляе газета "Новый вечерний Гомель".
Нагадаем, у ліпені Аляксандр Лукашэнка распавёў пра сваю рыбалку на Прыпяці. "Палец сунеш, за палец рыба хапае! Я асабіста... 57 кілаграмаў сома выцягнуў: 57, 24 і 7 кілаграмаў. Тры сома злавіў!", — казаў кіраўнік дзяржавы. Яшчэ аднаго гіганцкага сома злавіў у 2011-м жыхар Столінскага раёна, ён заважыў 51,5 кг.
Фота — gomelmedia.by
