ЗША не прызналі легітымнасць Аляксандра Лукашэнкі
Камітэт сената ЗША па міжнародных адносінах пракаментаваў інаўгурацыю Аляксандра Лукашэнкі, якая адбылася 23 верасня ў Мінску.
У афіцыйным акаўнце камітэта ў Твітары з'явіўся допіс: "Той факт, што "інаўгурацыя" Лукашэнкі павінна была быць таямніцай, толькі яшчэ раз даказвае, што ён страціў усякую легітымнасць як лідар. Ён не прэзідэнт Беларусі і павінен сысці ў адстаўку".
Пазней з'явілася заява Дзярждэпартамента ЗША, што Лукашэнка не лічыцца законным кіраўніком Беларусі. Дзярждэп паўтарыў, што выбары 9 жніўня 2020 года не былі свабоднымі і сумленнымі.
Пра сваё непрызнанне Лукашэнкі як легітымнага кіраўніка Беларусі заявілі таксама прадстаўнікі Германіі, Эстоніі, Літвы, Латвіі, Польшчы, Чэхіі, Славакіі, Канады.
Міністр замежных спраў Украіны Дзмітро Кулеба на сваёй старонцы ў Твітары таксама паведаміў, што інаўгурацыя Лукашэнкі не азначае, што ён стаў легітымным кіраўніком дзяржавы.
The fact that Lukashenka’s “inauguration” had to be held in secret only further proves he has lost all legitimacy as a leader. He is not the president of #Belarus and he must step down.
— U.S. Senate Foreign Relations Committee (@SenateForeign) September 23, 2020
Україна ніколи жодним чином не втручалася у внутрішні справи Білорусі і завжди підтримуватиме білоруський народ. З огляду на хід виборчої кампанії у Білорусі та подальші події, сьогоднішня «інавгурація» О. Лукашенка не означає його визнання легітимним главою Білоруської держави.
— Dmytro Kuleba (@DmytroKuleba) September 23, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
