19:27 У Запарожскай вобласці Украіны загінуў беларус
У аўтамабільнай
аварыі, якая здарылася ў Запарожскай вобласці, загінуў беларус. Яго сям’я —
двухгадовая дачка і жонка — у цяжкім стане дастаўленыя ў лякарню.
Агулам у груду
металалому ператварыліся тры аўтамабілі. "Фольксваген", які
накіроўваўся ў Запарожжа, выехаў на сустрэчную паласу і сутыкнуўся з "КамАЗам".
Пасля у
іх ударыўся
"Опель", на якім і ехала на радзіму сям'я беларусаў. Паводле папярэдніх звестак, трагедыя адбылася па віне
кіроўцы “народнага аўтамабіля”: ён ці то заснуў, ці то размаўляў па мабілцы. Зусім
не пацярпеў у аварыі толькі адзін чалавек — кіроўца "КамАЗа".
