8 жніўня ў Беларусі будзе да +28 градусаў
У аўторак, 8 жніўня, у Беларусі будзе пераменная воблачнасць і пераважна без ападкаў. Пра гэта агенцтву БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Уначы толькі ў асобных раёнах Гомельшчыны чакаюцца кароткачасовыя дажджы, магчымыя навальніцы. У асобных раёнах краіны ўначы і зранку магчымы слабы туман. Вецер будзе няўстойлівы 3-8 метраў за секунду.
Уначы тэмпература паветра складзе ад 8 да 14 градусаў цяпла, удзень будзе +22...+28 градусаў.
