Паветра ў Беларусі ў чацвер прагрэецца да +30 градусаў
Спёка, ілюстрацыйнае фота / Еўрарадыё
У чацвер, 25 чэрвеня, у Беларусі чакаецца пераменная воблачнасць, паведамляе Белгідрамет.
Уначы пераважна па паўночна-ўсходняй палове, удзень месцамі па краіне пройдуць кароткачасовыя дажджы. У асобных раёнах магчымыя навальніцы. Вецер будзе паўночна-заходні — ад слабога да ўмеранага, удзень пры навальніцах — парывісты.
Тэрмометры ўначы пакажуць 10-16 градусаў вышэй за нуль. Удзень прагназуецца 21-27 градусаў цяпла, па паўднёвым захадзе Беларусі паветра прагрэецца да +28...+30 градусаў.
На пятніцу і суботу сіноптыкі абвясцілі аранжавы ўзровень небяспекі, бо ў тыя дні па захадзе Беларусі тэрмометры будуць паказваць удзень 30-33 градусы са знакам "плюс".
