Абразлівыя надпісы ля кватэры Таісіі Кабанчук зафарбавалі
Аднак міліцыя так і не разабралася, хто і навошта пакінуў іх на сценах ля кватэры бабруйскай актывісткі БХД.
"Не думаю, што міліцыянты будуць вельмі спяшацца, каб даць адказ на маю заяву. Ды і ў адказе гэтым будзе, па ўсім відаць, стандартная "адпіска", — лічыць Таісія Кабанчук.
Яна распавяла, што непрыстойны роспіс сцен і дзвярэй "знік" увечары 25 сакавіка — хтосьці ахайна замазаў яго блакітнай фарбай, паведамляе "Праваабарончая хроніка".
