Адмяняецца рэгуляванне тарыфаў на інтэрнэт у пунктах калектыўнага доступу
У Беларусі адменена рэгуляванне тарыфаў на паслугі доступу да інтэрнэту ў пунктах калектыўнага карыстання. Гэта прадугледжана пастановай Міністэрства антыманапольнага рэгулявання і гандлю ад 13 лютага 2017 года №12, якая апублікаваная сёння на Нацыянальным прававым інтэрнэт-партале.
У МАРГ заяўляюць, што прыняцце дакумента не пацягне за сабой змены кошту паслуг электрасувязі і паштовай сувязі агульнага карыстання для насельніцтва. У адпаведнасці з заканадаўствам, МАРГ ажыццяўляе дзяржаўнае цэнавае рэгуляванне на паслугі электрасувязі і паштовай сувязі агульнага карыстання па пераліку, вызначаным пастановай Савета Міністраў ад 17 студзеня 2014 года №35 "Аб зацвярджэнні пералікаў сацыяльна значных тавараў (паслуг), цэны (тарыфы) на якія рэгулююцца дзяржаўнымі органамі, і прызнанні страціўшымі сілу некаторых пастаноў Савета Міністраў Рэспублікі Беларусь".
Пастанова МАРГ №12 прынятая ў мэтах прывядзення нарматыўнай прававой базы міністэрства ў адпаведнасць з пастановай Савета Міністраў ад 27 студзеня 2017 года №81, якім прадугледжана ўнясенне змяненняў у пастанову №35 і выключэнне паслугі "доступу да сеткі інтэрнэт у пунктах калектыўнага карыстання" з пераліку паслуг, на якія ажыццяўляецца дзяржаўнае цэнавае рэгуляванне. Пастанова набывае моц 1 сакавіка 2017 года.
