Аляксандра Лукашэнку прызналі карупцыянерам года
Аляксандр Лукашэнка стаў "Чалавекам года ў арганізаванай злачыннасці і карупцыі”. Такое званне яму прысудзіла міжнароднае журы OCCRP — Міжнароднага аб'яднання журналістаў-расследавальнікаў.
Гэта званне атрымліваюць тыя, хто прыкладае намаганні, каб вакол запанаваў хаос, выкарыстоўваючы арганізаваную злачыннасць і карупцыю.
У фінале ён абагнаў экс-прэзідэнта Афганістана Ашрафа Гані, кіраўніка Сірыі Башара аль-Асада, прэзідэнта Турцыі Рэджэпа Таіпа Эрдагана, былога канцлера Аўстрыі Себасцьяна Курца.
