Амерыканская сетка піцэрый Papa John's канчаткова пакідае Беларусь

З Беларусі канчаткова сыходзіць амерыканская сетка піцэрый Papa John's. 1 верасня яе рэстараны працуюць апошні дзень.

Праўда, у Мінску з гэтай сеткі цяпер засталося толькі дзве кропкі — на Нямізе, 12А і Магілёўскай, 4В.

У Інстаграме беларускае прадстаўніцтва Papa John's заклікае паспяшацца: "Паспейце выдаткаваць бонусныя балы, назапашаныя ў нашай праграме лаяльнасці "Тата Бонус", зрабіўшы заказ анлайн на сайце або ў дадатку з дастаўкай".

Рэстараны гэтай сеткі ў Беларусі сталі зачыняцца яшчэ ўвесну. Кіраўніцтва Papa John's не называе прычыны сыходу сеткі з краіны.