Амерыканская спявачка Тэйлар Свіфт зноў стала самай папулярнай выканаўцай
Тэйлар Свіфт / AP
Амерыканская спявачка Тэйлар Свіфт стала самай папулярнай выканаўцай 2024 года на Spotify. Яна ўзначальвае рэйтынг стрымінга другі год запар. У Свіфт больш за 26,6 млрд праслухоўванняў, паведамляе АР.
На другім радку размясціўся The Weeknd, а на трэцім — рэпер Бэд Бані. Пяцёрку замкнулі Дрэйк і Білі Айліш.
Тэйлар Свіфт — адна з самых прадаваных музыкаў у свеце, яна мільярдэрка. 13 снежня спявачцы споўніцца 35 гадоў.
Spotify — найбуйнейшая музычная стрымінгавая платформа, якой штомесяц карыстаюцца 626 млн чалавек.
