Арганізатары "Еўрабачання" ўсё яшчэ чакаюць новую песню ад Беларусі
Еўрапейскі вяшчальны саюз працягвае перамовы з Белтэлерадыёкампаніяй наконт песні-ўдзельніцы конкурсу "Еўрабачанне 2021".
"Мы ўсё яшчэ вядзём перамовы з беларускім вяшчальнікам БТРК наконт прадстаўлення новай песні альбо мадыфікацыі іх цяперашняй заяўкі, каб гарантаваць, што іх заяўка адпавядае правілам конкурсу "Еўрабачанне", — паведамілі журналістам Еўрарадыё ў ЕВС.
Як распавядала Еўрарадыё, ЕВС адмовіўся прыняць песню "Я научу тебя" гурта "Галасы ЗМеста", бо пабачыў у ёй палітычны характар. Беларускім канкурсантам прапанавалі прывесці песню ў адпаведнасць з правіламі ЕВС ці памяняць яе на іншую. Іначай Беларусі пагражае дыскваліфікацыя і няўдзел у сёлетнім конкурсе.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
