МЗС Ізраіля адказала на заявы Лукашэнкі пра Халакост і вайну ў Газе
Аляксандр Лукашэнка / БЕЛТА
Ізраіль раскрытыкаваў заявы Лукашэнкі пра Халакост і вайну ў Газе. У заяве ізраільскага МЗС падкрэсліваецца, што Беларусь з'яўляецца краінай, якая сама "нават занадта добра ведае жахі Халакосту, учыненага на яе ўласнай зямлі".
"Любое параўнанне паміж Халакостам яўрэйскага народа і справядлівай вайной Ізраіля супраць тэрарызму павінна быць адназначна адкінутае. Не менш шакавальным з'яўляецца адраджэнне агідных, састарэлых антысеміцкіх тэорый змовы, якія даўно павінныя былі адысці ў мінулае", — адзначаюць у МЗС Ізраіля.
Заява стала адказам на інтэрв'ю Лукашэнкі Al Arabiya, у якім ён правёў паралелі паміж дзеяннямі Ізраіля ў сектары Газа і Халакостам: "Яны ўжо і так у сусветнай супольнасці атрымалі такі рэйтынг, што далей няма куды, разбамбіўшы Газу. Нават у гісторыю многія паглядзелі: "Які Халакост?! Які можа быць Халакост, пра які ізраільцяне казалі, калі яны забілі столькі людзей, і перш за ўсё жанчын і дзяцей?"
Акрамя таго Лукашэнка абвінаваціў "габрэйскае лобі" ў зацягванні канфлікту ЗША з Іранам.
The remarks made by the President of Belarus - a country that knows all too well the horrors of the Holocaust committed on its own soil - in his interview with Al Arabiya are unacceptable and deeply disturbing.
— Israel Foreign Ministry (@IsraelMFA) June 16, 2026
Any comparison between the Holocaust of the Jewish people and…
