Атрады СС “Вагнера”: ці пагражаюць яны Беларусі — эфір з Фрыдманам

Нават пасля вызвалення Херсона ад расійскіх захопнікаў, размовы пра неабходнасць мірнага ўрэгулявання сітуацыі і перамоваў паміж Кіевам і Масквой на Захадзе не спыніліся. У той час, як у самой Расіі фармуецца паралельнае войска з крымінальнікаў Прыгожына са сваёй “судовай” сістэмай пад назвай “кувалда”. Войска, якому нішто не перашкодзіць прыйсці ў Беларусь, калі ўзнікне такое жаданне.

Чаму нават вызваленне ўкраінскага Херсона не спыніла размовы пра неабходнасць перамоў з Масквой? Войскі Прыгожына — на што гэта падобна і якую пагрозу могуць яны ўяўляць для беларусаў? Што адбываецца з беларускімі дэмакратычнымі сіламі і хто прыйдзе наўзамен Ціханоўскай альбо Пераходнаму кабінету ў выпадку іх сыхода? Пра гэта ды шмат што іншае гаворым у штотыднёвай аналітычнай праграме з палітычным аглядальнікам, гісторыкам Аляксандрам Фрыдманам.