Аўтобусны талончык у Мінску цяпер каштуе 3 тысячы рублёў
З 1 снежня зноў выраслі тарыфы на праезд у грамадскім пасажырскім транспарце сталіцы.
Такім чынам, кошт аднаго талончыка ў наземным транспарце і жэтона ў метро падвысіўся на 500 рублёў і цяпер складае 3 тысячы рублёў. Пры продажы кіроўцам талончык будзе каштаваць 3,5 тысячы, а кошт адной паездкі ў аўтобусаx экспрэс-маршрутаў дасягнуў 4,3 тысячы, інфармуе сайт прадпрыемства “Мінсктранс”.
Месячны праязны на адзін від транспарту цяпер можна набыць за 135 тысяч, на ўсе чатыры віды — за 243 тысячы рублёў.
