Аварыя ў Мазыры: пашкоджаная цеплавая сетка
На месцы аварыі ў Мазыры / t.me/gomelenergo_by/
27 лютага ў Мазыры здарылася аварыя. Як паведамляе "Гомельэнерга", пашкоджаная цеплавая сетка. Энергетыкі працуюць над ліквідацыяй наступстваў аварыі, аднаўляюць пашкоджаны трубаправод.
Адзначаецца, што для таго, каб у кватэрах жыхароў Мазыра заставалася цяпло, часова пераключылі спажыўцоў на рэзервовую цеплавую магістраль (аднак частка горада застаецца без цяпла і гарачай вады). Пасля заканчэння рамонтных работ плануецца аднаўленне "нармальнай схемы цеплазабеспячэння".
Што стала прычынай пашкоджання трубаправода, не ўдакладняецца.
Падобныя аварыі адбываюцца па ўсёй Беларусі — інфраструктура патрабуе абнаўлення.
