Бабруйская фабрыка адклала выпуск адзення, каб шыць медпавязкі ад каранавіруса
Швейная фабрыка "Славянка" ў Бабруйску часткова прыпыніла выпуск адзення, каб шыць марлевыя павязкі. 300 тысяч павязак ёй замовіла "Белмедтэхніка", піша TUT.by.
Павышаны попыт на павязкі ўзнік у сувязі з каранавірусам. Акрамя "Белмедтэхнікі" марлевыя павязкі ў бабруйскага прадпрыемства замовілі і прыватныя арганізацыі.
Фабрыка ўжо выпускала марлевыя павязкі ў 2009 годзе, калі была эпідэмія свінога грыпу. Тады яны былі трохслаёвымі, цяпер "Славянка" выпускае чатырохслаёвыя марлевыя павязкі.
Дзеля пашыву павязак давялося прыпыніць выпуск некаторых замоваў. Але на фабрыцы запэўніваюць, што з графіку яны не выбіваюцца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
